Dysgu trwy chwarae
Tywod, dwr, toes, chwarae rol, jig-sos, teganau, gemau bwrdd, canu, dawnsio a storïau.
Cylch Meithrin Clocaenog
Croeso cynnes i blant 2+
Elusen gofrestredig 1181609
Cylch Meithrin drwy'r gyfrwng Cymraeg yng nghalon Clocaenog, tua 5 milltir o Rhuthun, yn cynnig gofal tymor ysgol mewn awyrgylch hapus, cartrefol a diogel.
- Oedran 2+
- Dydd Llun i Ddydd Gwener
- 9:00 - 15:00
- Tymor ysgol yn unig
Ein statws elusennol
Elusen leol sy'n cefnogi teuluoedd drwy'r Gymraeg
Ein cenhadaeth yw rhoi dechrau hapus, diogel a Chymraeg i blant ifanc. Fel elusen gofrestredig, rydym yn darparu gofal plant, addysg blynyddoedd cynnar a gweithgareddau chwarae i blant 2+ yng Nghlocaenog a'r ardal gyfagos.
- Rhif elusen
- 1181609
- Ardal gwasanaeth
- Clocaenog, Rhuthun a phentrefi cyfagos
- Gwybodaeth y safle
- Ein cenhadaeth yw rhoi dechrau hapus, diogel a Chymraeg i blant ifanc.
- Rydym yn cynnal sesiynau Cylch Meithrin tymor ysgol, Ti a Fi, gweithgareddau chwarae, canu, storïau ac amser awyr agored.
- Fel elusen, caiff ein gwaith ei gefnogi gan ffioedd, cynlluniau gofal plant, partneriaid lleol a chodi arian.
- Rydym yn helpu plant i feithrin hyder, sgiliau cymdeithasol a chariad at y Gymraeg cyn symud ymlaen i'r ysgol.
Amdanom
Dysgu trwy chwarae, tyfu trwy'r Gymraeg
Ein blaenoriaeth yw hapusrwydd a diogelwch pob plentyn. Rydym yn croesawu plant o bob cefndir ieithyddol ac yn defnyddio'r Dull Trochi i gefnogi plant i fagu hyder yn y Gymraeg wrth chwarae, cymdeithasu a darganfod. Nododd adroddiad arolygu 2024 Estyn ac Arolygiaeth Gofal Cymru fod y plant yn ymgartrefu’n gyflym, yn hapus ac yn datblygu perthnasoedd cynnes â'r ymarferwyr.
- Amgylchedd cartrefol a chroesawgar
- Cyfleoedd chwarae tu mewn ac yn yr awyr agored
- Byrbryd iach a diod o ddwr neu laeth
- Cefnogaeth i anghenion pob plentyn
Ein lleoliad
Ar safle Ysgol Carreg Emlyn
Mae'r Cylch wedi ei leoli yn Ysgol Carreg Emlyn yng Nghlocaenog, tua 5 milltir o Rhuthun, gyda mynediad i ddwy ystafell, neuadd yr ysgol, iard ac ardaloedd awyr agored.
Taith o'r ystafell
Golwg sydyn ar ein darpariad
Gwyliwch daith fer o'r ystafell i gael syniad o'r amgylchedd dysgu a chwarae.
Gweithgareddau
Chwarae, darganfod a bod yn yr awyr agored
Rydym yn cynnig profiadau chwarae amrywiol sy'n cefnogi plant i gymdeithasu, magu hyder a datblygu ar eu cyflymder eu hunain.
Chwarae awyr agored
Cyfleoedd rheolaidd i ddefnyddio iard yr ysgol, ardaloedd tu allan a'r cae chwarae.
Ysgol goedwig
Gweithgareddau natur a choetir sy'n annog chwilfrydedd, hyder, gwaith tîm a pharch at yr amgylchedd.
Cymraeg bob dydd
Defnyddio'r Dull Trochi i gefnogi plant o bob cefndir ieithyddol i fwynhau'r Gymraeg yn naturiol.
Oriau a Ffioedd
Sesiynau tymor ysgol
Rydym ar agor o ddydd Llun i ddydd Gwener yn ystod tymor ysgol. Mae'r ffioedd isod yn seiliedig ar y Datganiad o Ddiben diweddaraf.
| Sesiwn | Cost |
|---|---|
| 9:00 - 11:30 | £15 |
| 9:00 - 13:00 | £24 |
| 11:30 - 13:00 | £9 |
| 11:30 - 15:00 | £21 |
| 9:00 - 15:00 | £36 |
Defnyddir ein ffioedd a'n cyllid i gynnal a gwella darpariaeth blynyddoedd cynnar elusennol y Cylch.
Cyllid
Cyllid a chymorth costau gofal plant
Rydym wedi cofrestru i ddarparu lleoedd drwy gynlluniau cymorth gofal plant perthnasol. Gall cymhwysedd ddibynnu ar oedran eich plentyn, eich amgylchiadau a rheolau'r awdurdod lleol neu Lywodraeth Cymru.
Dechrau’n Deg
Rhaglen blynyddoedd cynnar Llywodraeth Cymru yw Dechrau’n Deg. Mae'n cefnogi teuluoedd gyda phlant ifanc, ac mae gofal plant Dechrau’n Deg ar gyfer plant 2 oed yn cael ei ehangu ledled Cymru.
Darllen am Dechrau’n Deg10 awr addysg gynnar
Rydym yn derbyn lleoedd addysg gynnar 10 awr pan fydd plentyn yn gymwys. Yn Sir Ddinbych, mae hyn fel arfer ar gyfer plant yn y tymor ar ôl eu pen-blwydd yn 3 oed.
Gwybodaeth Sir DdinbychCynnig Gofal Plant Cymru 30 awr
Rydym yn derbyn Cynnig Gofal Plant Cymru. Gall rhieni cymwys plant 3 a 4 oed gael hyd at 30 awr yr wythnos o addysg gynnar a gofal plant wedi'i ariannu.
Gwirio cymhwyseddCysylltwch â ni os hoffech drafod pa gymorth allai fod ar gael i'ch teulu.
Ti a Fi
Sesiwn aros a chwarae i blant bach a'u teuluoedd
Mae Ti a Fi yn sesiwn anffurfiol lle gall rhieni, gofalwyr a phlant bach ddod at ei gilydd i chwarae, canu, sgwrsio a dod i adnabod y Cylch. Mae'n ffordd hamddenol o gyflwyno plant i'r Gymraeg, y staff a'r amgylchedd cyn dechrau sesiynau Cylch.
Holwch am Ti a Fi- Dydd Iau yn ystod tymor ysgol
- 9:15 - 10:45
- £2 y plentyn + 50c i bob plentyn ychwanegol
- Croeso i deuluoedd o bob cefndir ieithyddol
Tîm
Tîm y Cylch
Dyma'r tîm sy'n croesawu'r plant bob dydd ac yn rhoi gofal tyner, creadigol a phriodol i bob plentyn.
Anti Jane
Arweinydd y Cylch
Newydd gwblhau cymhwyster Gofal Plant Lefel 3 ac wrth ei bodd yn gweld y plant yn tyfu o'r Cylch i'r ysgol.
Anti Vikki
Cwîn cynllunio a chrefft
Gyda 15 mlynedd o brofiad a chymwysterau hyd at Lefel 3, mae'n cynllunio gweithgareddau hwyliog a chreadigol.
Anti Arwen
Arbenigwr caneuon a straeon
Yn astudio Gofal Plant yng Ngholeg Cambria ac yn gyffrous i rannu caneuon a straeon gyda'r plant.
Anti Tara
Pro chwarae tu allan
Gyda phrofiad mewn lleoliadau gofal plant, mae'n mwynhau bod yn yr awyr agored ac archwilio byd natur gyda'r plant.
Oriel
Cipolwg ar fywyd y Cylch
Lluniau cymeradwy o weithgareddau, chwarae a bywyd bob dydd yn y Cylch.
Cysylltu
Hoffech chi wybod mwy?
Cysylltwch i holi am leoedd, sesiynau neu ymweld a'r Cylch. Rydym yn croesawu teuluoedd o Glocaenog, Rhuthun a'r pentrefi cyfagos.